Bu İstifadə Şərtləri ("Şərtlər"), ClubTimers ("Sistem", "Platforma") tərəfindən təqdim olunan rəqəmsal xidmətlərin istifadə qaydalarını və şərtlərini müəyyən edir. Sistemimizdən istifadə edərək siz bu şərtlərlə tam şəkildə razılaşdığınızı bəyan edirsiniz.
ClubTimers, əsasən Bilyard, PlayStation və digər əyləncə klubları üçün nəzərdə tutulmuş, kassa idarəetməsini, vaxtın hesablanmasını və cihazların (rele vasitəsilə) məsafədən idarə olunmasını təmin edən bulud əsaslı (SaaS) proqram təminatıdır.
Xidmətlər seçilmiş tarif paketlərinə (məsələn: Standart, Pro, Elite) əsasən aylıq və ya illik abunə haqqı qarşılığında təqdim edilir. Bütün ödənişlər beynəlxalq təhlükəsizlik standartlarına (PCI-DSS) cavab verən rəsmi tərəfdaşlarımız (Banklar və Ödəniş Sistemləri) vasitəsilə şifrələnmiş şəkildə həyata keçirilir.
İstifadəçi profilinin, şifrələrin və klub daxilindəki məlumatların (maliyyə, kassa) təhlükəsizliyinə istifadəçi özü cavabdehdir. Sistemə zərərli müdaxilələr, kodların kopyalanması və ya icazəsiz kütləvi sorğuların (spam) göndərilməsi qəti qadağandır və hesabın dərhal bloklanması ilə nəticələnəcəkdir.
ClubTimers xəbərdarlıq etmədən xidmət şərtlərində və tarif qiymətlərində dəyişiklik etmək hüququnu özündə saxlayır. Mövcud aktiv abunəliklər müddət bitənə qədər köhnə qiymətlərlə xidmət almağa davam edəcək.